قصايد عيسى الخمشي العنزي لي حبيبن له ثلاث ايام بغياب

شدوا بدو قلبي عن ديّار قلبك
والبدو لا شدو عن الدار يبطون

واذا سألوك الناس وش كان ذنبك ؟
قل البّدو لا عافوا القاع يمشون "

هَبّت رياح الهَجر والصوتْ مَسمُوعْ
والضيقه اللي ما حكّت وش تواليـك !

مَرّت بي الذكرى ، - ( تباريح ودموع)
وعجزت أرددْ في خفا الروح / طاريك

كانه على فرقاي خاطرك .. مفجوع !
فأنا على فرقاك .. ماني بنآسيك

تاخذني الدنيا .. متاهات .. ! وقطوووع
وتاخذ بي الدنيا .. خطاوي تِماشيك

هلا ياطاغيه بين المزايين
يا مترفه ياساحره يالاميره

لبى الخدود وسلت الخشم والعين
ولبى الجديل والرموش الطويله

رقيقة خصر غضة النهدين
امطوقه بالزين من كل ديره

الياحكيتي قلت وينك من سنين
ولا ضحكتي الضحكه الخطيره

جبتي بنا العيد من قبل شهرين
وليا مشيتي نار قلبي سعيره

لعن ابو جدك امشي عدل لاتميلين
مشيك يسبب حوادث كثيره

وليا نضرتي نضرتك تعمي العين
ومن شافها تصبح حياته اسيره

وليا جلستي بين المزايين
طغتي عليهم بالحسن يالاميره

للـه درك مافـيه احد سوا سوياك
تروي العرووق الضـاميه و تغـمرها

الاسم ... غـيمه و المطـر من ثنـاياك
وجبينك .. الـبرق يوم عيني أسرها

اسرجت خيلي جعـلهاا من فدياك
وسلمت لك روحي مااشي عسرها

ابوك في صغرك على العز رباك
على امل توفي له الدين كله

ان كان مارديت له بعض ماجاك
على الاقل في سمعتك لا تذله

خافقي ساعة  ونبضاته عقارب
والليالي  سيف  .. والأيام   حربة

والزمن مثل البحر والعمر قارب
والبخت مجداف والأمواج غربة

والبشر أشكال وأطباع ومشارب
انجبر بالبعض والبعض أنكسر به

البارحه متعب حالي تكدر
مشتاق له ومفيه باليد حيله

والله لاشفته خاطري ينسر
من العيون الناعسات الضليله

خدها ياناس كما ضو القمر
ونضراتها ترسل سهامن قتيله

لا غاب عني كن ماحولي بشر
ولا صار عندي كن حولي قبيله

سكرت باب التسامح ولا انا ارد
وقررت اعامل راعي الصد بالصده

ملزوم اعامل بالجفا ناكر الوود
وانساه وابتعد عنه بعيد واصده

ماني مجبور اعامله الود بالصد
خله يحس بقيمتي ويش قده

هو الذي اخطا و يتحمل الرد
الحب له ميزانه والصبر له حده

كانه سمع ابيات شعري خله يرد
ان كان فيه الخير يجيني برده

ولا يتعذر وثني على ركبه ويقعد
ويقول اسف على ماطلع مني بشده

قالو علامك قلت ماني مستريح
اشوف قلبي من عنا الوقت هدة

ابي اساله واخذ منه تصريح
يسمح لي اقصد به وفيه اتحده

ياخي مزموزتن مزه تزع مع الريح
المزيونه الي بالحلا محد ا بقده

‏أجمع لك أشعاري .. وليلي تباريح
عذراً على ما / جيت فيها بحدة !

كيف أصلك وأنا قدم رجلي تطيح
كيف أتركك والدرب مافيه ردٌه ؟

كيف أقنعك والحب أحلى بتلميح
كيف أملكك والبعد بالغ .. أشده

وأنا ثباتي .. ما يجمّل مع .. الريح
وباب انتطرتك منه مقدر أسده

ابيلي قلب مايحزن ع فرقا وليف
وابيلي عين ماتبكي اليا غاب عنها

وين الحقود الي يسلفني قلب تسليف
عشان لاغاب عني الغاليها سفها

ابي قلب قاسي وماتنزف جروحه نزيف
وابي عينن ماتبكيه لامنه هجرها

ياناس والله مليت من فرقا المواليف
ولعين تبكي لليلها مع سهرها

حزن وتعب وسهر عين ومواقيف
كله عشان الريش العين هاجرها

اليا متى وانا اترجا الصواديف
عشان اشوفه صدفتن يانضرها

ترا شوفتك صارت كمابداية الصيف
اربع فصول بليلته يحتويها

هذي حياتي معك تصريف في تصريف
يجيك يوم وتندم ع نفسك وتحقرها

ثلاثة من أصحابك .. توخّى الحِذَر منهم
صديق المصالح و المراوي و أبو وجهين

و ثلاثة من أحبابك على الطيب تضمنهم
لزيم الوفا و الشهْم و اللي ستَر لك شين

و هناك .. أربعة يا حظّ من هو يوازنهم
شباب العِمِر و المقدرة و العمَل و الدين

‏الذوق ذوقك وانت الذوق كله
وشلون ذوق اللي لها الذوق ذواق

انت كما نجم السماء في محله
وانت كما الورده على كف عشاق

مثل الهدب والعين صرنا على طول
سوى سوى بالفرْح .. أو بالنكاده

أفرح لفرحك ، يا عسى فرحك يْطول
وانْ ضاق صدرك، ضاق صدري زياده

‏ياليتني كمام في مبسم الزين
والله مافكه لو تخلص كروونا

اعيش مع خده تحت رسمة العين
متعلق بإذنه ولو فرقووونا

اعانق انفاسه واحرسه من الشين
واسمع كلامه قبل لايسمعووونا

‏غزيت قلبي دون ماتشعـــل الحـرب
وفرضت عشقك دون خطه وتكتيك

سلاح حبك فـــاق مـاتصنع الغـــرب
سلاح ضــارب فكــك القلب تفكيـك

سهـام حبك دمــرت درعـــي الصلب
وصرت احبك حــب مـافيه تشكيك

خل الثقـه بينـي وبينـك ~ كبيــره
وإحذر يجيـك الشك والشك ذبـّاح

اتـرك كــلام ألي هروجـه 》كثيــره
كلـب العرب دايم على النـاس نبـّاح

ليتنا في بعض الاحيان خالين الشعور
لاجل مانسترجع الذكريات الماضيه

ياقديمات الطواري مبيحة الصدور
جنبي نفس على الوقت ماهي راضيه

صابر والوقت جاير وضربه ف النحور
يضرب الغافل ليا سج ضربه قاضيه .

الضيقـــه اللي من البارح وهي فيني
تعبت منها وهـي بالصـــــدر ماراحت

يالله من الضيــــق والعبرة تعـــافيني
والطف بروحٍ من الاحزان ما ارتاحت

الضيقه اللي تكتم الصدر بالبوح
عجزت احصل في الوسيعه دواها

احيان اقول الضيقه شوي وتروح
واحيان اقول البوح يروي ضماها.

بيني وبيـنك يا هـوى البـال ميثــاق ..
لو جـــار وقتي فـ الهــوى ما قطعـته ..

تدري وش اللي من ورى سور الاعماق ..
اســمك كـتبته في حشـــاااي وطبعته

كن صبري "أسئلة " تبغى إجابه
و عيّت الأيام لا تمشي عجوله

أحزن لـ صوتك إذا طوّل غيابه
لين نفسي تصير من نفسي زعوله

" الليالي " كل ما مرت تشابه
يختلف فيها "الكلام" اللي نقوله

الصاحب اللي مايجي منـه تقصير
يبقى بعيني دوم راعي طويله

ادمح له الزلـه واسـوق المعاذير
وارضيه وارضى عنه لاجات ميله

توني عرفت الغدر معـناك.....وان الخيانه منك وفـــــــــــيك
ايحقلي اقول ما ابـــــــاك.....دامك خلفت الظن من فـــيك
الاول انا غرقان في مـاك.....الحمدلله بان خافيـــــــــــــــك
هام القلب من زود يدراك.....صارت حياتي زيف وتشكـــيك
وين الوفا والعهد هـــذاك.....حبر بورق ما هو تملـــــــــــيك
هذا طريقك ويـــــن وداك.....لا تفتكر بنشد بحــــــــــــاتيك
خلك مع اللي هو يهـواك.....يمكن يجيله يوم يغليـــــــــــك
خلي يقول اليوم بنسـاك.....بس من التسلي بس يكفيك
عشت بوهم بالحب وياك.....درب سراب الله يجـــــــــازيك

الشاعر عيسى الخمشي
تاريخ
1998م